#قصتي_مع_صاحبت_صاحبي
الجزء التالت
صافي هي تقرسات هي تقولي هانيا تصبح على خير
صافي من تما مابقيناش تانهضرو فالميساجات ومابقيتش تانمشي عندها للسبيطار
تعرفت على واحد البرهوشة فالدرب زوينة وفصالة وتصاحبت معاها
ودوزناها انا وياها غير الحوى ديما فواحد الجريدة قريبة للدرب
المهم مهدي صاحبي عرفتو على صاحبتي الجديدة
واحد النهار كنا بغينا نتلاقاو انا وياها فليل وجا عندي مهدي للدار
قلت ليه ازبي راه ليلة داير مع البرهوشة قالي انمشي معاك تانا باغي نهبط للجردة نضرب فيها شي دورة
هبطنا انا وياه لكن جات حشومة يهبط معايا ونسرسبو
وصلنا تلاقيت بالبرهوشة هو بغا ينوض وقلت ليه جلس معانا راه اصلا جينا غير نجمعو
شويا صونات ليا الواليدة قالت ليا جي دابا للدار بغيتك ضروري
قلت لمهدي هانتا هنا دابا نجي وطلبت الساطة باش تجلس معاه بيما نشوف الواليدة ونجي
وصلت للدار لقيت الواليدة جات عندها واحد صاحبتها تاتسالها شي فلوس وقالت ليا نسلفها المهم فكينا المشكل تاع الواليدة رجعنا لصاحبتها الفلوس وبقيت مجمع شويا مع الواليدة وانا نهبط لكن لقيت مهدي بوحدو لي كاين
قالي البرهوشة تعطلتي عليها ومشات
قلت ليها هانيا صيفت ليها ميساج قلت ليها سمحي ليا الى تعطلت نعوضها ليك
هي تقولي انور ضروري خاصني نهضر معاك
قلت ليها تانتلاقاو
وكانت هي تاتقرا فالتاسعا وماعمري انا مشيت حدا الكوليج عندها
لكن فالغد صيفتات ليا ميساج قالت ليا والو اتجي عندي دابا حدا الكوليج
مشيت نشوف اش طاري وانا نتلاقا بمهدي جاي من حدا الكوليج
سولتو عليها قاليا ماشفتهاش
صونيت ليها قالت ليا جي عندي انا مورا الصور دالكوليج جي دابا دابا
خلعاتني بصراحة مشيت عندها لقيتها تاتبكي
جلست حداها هي تعنقني وبدات تاتبكي تانقوليها مالك ماقداتش دوي
بقينا شي نص ساعة انا ساكت وهي تاتبكي
خليتها حتى سكتات على راحتها
هي تقولي انور تاتبغيني ؟
المهم كان ضروري نتعنب فداك الموقف وانا نقوليها ضروري حبي
قالت ليا تاتيق فيا ؟
قلت ليها خلعتيني اش داكشي تما دوي معايا
هي تقولي مهدي لبارح ملي خليتينا بجوج شدني بزز بغا يبوسني وليوما جا عندي هنا قدام الكوليج قالي بغيت نهضر معاك ملي مابغيتش قالي راه بغيت غير نطلب منك السماحا على داكشي ديال لبارح وملي عطيتو وقت يهضر قالي اجي نتمشاو شويا وملي بعدنا على عينين بنادم عاوتاني شدني بزز بغا يبوسني
الصراحة كفرت عليه قلت ماشي رجلة هادي والمشكل ملي تلاقيت بيه قالي ماشفتهاش
قلت ليها انا اندوي معاه ماخفتي والو غادي يبعد منك
تلاقينا انا وياه وتانقول نجبد معاه الموضوع ولا نسكت
واش نخسر مع صاحبي على ود موسطاشا ولا نخسر صاحبتي على ود زامل
حرت فراسي ماعرفت ماندير مشيت دخلت لدار وانا نعس حيت ضرني راسي
شويا صونا ليا تيليفون جيت نشوف شكون فيقني من النعاس تانلقاها هاجر صاحبت مهدي
اش بغات هاد القلاوية تاني مني
هي تقولي ماصدقتيش اصاحبي كيما تمنيتك
قلت ليها مافهمتش
هي تقولي 15 يوم باش خرجت من السبيطار وماجيتيش طل عليا
وانا نقوليها من بعد داكشي لي دارت ليا ماماك داك النهار باقا باغاني ندور بساحتك ؟
قالت ليا ياك طلبت منك السماحة نيابة عليها وصافي نسا داكشي عافاك وجي غدا نشوفك
قلت ليها سمحي ليا هاد الايام عيان وخليها حتى تولي بيخير ونشوفك فالدرب والى الى كنتي مع مهدي ونشوفك
وانا نتفكر مهدي وانا نقطع عليها
رجع ليا البلان لي دار مع الدرية تاعي وزدت حقدت عليه
-------------------------------------------------------------
الأجزاء الأخرى
الجزء الأول
الجزء الثاني
الجزء الرابع
الجزء الأخير
الأجزاء الأخرى
الجزء الأول
الجزء الثاني
الجزء الرابع
الجزء الأخير