#قصتي_مع_صاحبت_صاحبي
الجزء التاني
بديت تانضحك وقلت ليها واخا ماشي مشكل
جبدت معلقة غسلتها وانا نبدا نوكلها والمشكل باش نوكلها كان خاصني نجلس حداها المهم قربت ليها وبديت تانعطيها تاكل وهي تحط يدها على رجلي
قلت عادي راه غير بغات تقاد فالجلسة تاعها
وكان بنت القحبة تانوكلها وهي تاتشوف ليا في فمي وحاضياه
انا درت بحال الى ماشفت والو
ملي سالات دانون قالت ليا احسن دانون كليت فحياتي هو هادا
انا حسيت بيها بدات تاتزمل وانا نقوليها
دويتي ليوم مع مهدي ؟
قالت ليا راه صيفت ليه ميساج لبارح ومازال ماجاوبني
ونهار الاحد ماتايجيش عندي مانعرف فين تايمشي تانصوني ليه تايقطع عليا
وانا نقوليها راه يمكن تايمشي يخدم مع الواليد تاعو وماتايقدش يجاوب قدامو
حدرات راسها وهي تقولي ونتا فين وصلتي ؟
قلت ليها فاش ؟
قالت ليا مازال مادرتي شي ساطا مازال ماتصاحبتي مازال مالقيتي حبيبتك ؟
بديت تانضحك قلت ليها داكشي طلع ليا فالراس واصلا انا التصاحيب تاعي خايب
بدات تاتشوف فيا مستغربا وقالت ليا بحالاش ؟
قلت ليها اودي ماغاديش نعرف نوصف ليك سيري حتى تخرجي من السبيطار وتولي بيخير بيما نتعارفو كثر ونقدر نشرح ليك اما دابا باقي ماضسرت عليك باش نفهمك
هي تبدا ضحك قالت ليا راه عادي اصاحبي داكشي
انا بديت تانحس بالزملة تاضور وانا نقوليها خاصني نمشي غدا خدام
قالت ليا بقا معايا غير حتى تجي ماما وسير ولا بقا تاتمشي نتا وياها
يلاه تانفكر باش نجاوبها هي دخل ماماها
غير المشكل ملي شافتني تما بدات تادير فيا ماماها شي شوفات خلعوني
بديت تانفكر الى خرجت دابا انخلي الواليدة تاعها تشك غير بوحدها انبقا واحد 10 دقائق هي القليلة تانبرد الجو ونمشي
سلمت على ماماها هي تقوليها بنتها علاش تعطلتي عليا ليوم كون ماجاش انور كون راني باقا ماكليت والو
هي تخشيها ليا مها فوجهي
قالت ليها ولاش انور جا بعدا ؟ واش نتي لي عيطي عليه ؟
انا كرهت راسي حسيت بيها ماحاملانيش وانا نقوليهوم الله يعاون وبالشفاء اختي هاجر إن شاء الله وحدرت راسي وخرجت
وانا نسمعها بدات تاضارب مع مها قالت ليها ماتقوليش ليه هاكاك هو تايجي يشوفني ونتي بديتي عليه بديك الهضرة لقيت فيه الخير لي مالقيتو فخوتك نصهوم خدام فهاد السبيطار وعمر شي حد فيهوم جا طل عليا
صافي انا مشيت وصلت للدرب تلاقيت بالدراري وانا نضور فمهدي
قلت ليه ازبي سير طل على الساطة تاعك راه حشومة ازبي
هو يقولي واش نتا خدام يسحاب ليك كاملين بحالك انا المركوب بزز باش تانلقاه
قلت ليه علاش نهار الاحد ماجاوبتيهاش ؟
قالي كنت خارج مع الشينوية ازبي
صافي بدينا تانضحكو قلت ليه نتا لمن بغات ازامل
صافي وانا نعاود ليه لافير لي طرات ليا مع مامات هاجر
هو يقولي راه مها مشكاكا ازبي بزاف ولكن راه الله يعمرها دار غير هي يسحاب ليها واقيلا نتا لي مصاحب ليها مع بنتها ماشي انا
صافي بقينا تانضورو فالسويقة تاطاح الباش ومشيت ندخل ننعس
هي تصيفت لي هي ميساج تاطلب فيه السماحة على داكشي لي دارت الواليدة تاعها معايا قلت ليها عادي من حقها تخاف على بنتها
هي تقولي نهار نخرج من هنا نعوضك ازين ديالي
انا قلت قبل ماتزمل نقمعها وانا نجاوبها
الى كنتي نتي بيخير هاداك هو التعويض
هي تقولي انور نسولك
وي سولي مرحبا ؟
كيف تانجيك انا ؟
قلت ليها مافهمتش اش تاتقدصي
قالت ليا واش انا مازويناش واش ماتانعجبكش ؟
قلت ليها من ناحية زوينة راك زوينة لكن من ناحية تعجبيني راك صاحبت صاحبي
قالت ليا ولكن واش تانعجبك اه لا ؟
قلت ليها واخا تقلبي الموضوع عافاك اختي هاجر
-------------------------------------------------------------
الأجزاء الأخرى