#قصتي_مع_صاحبت_صاحبي
الجزء الرابع
المهم وصل الصباح مشيت للخدمة وكنت معنكش فراسي مابغاتش دخل ليا للدماغ كيفاش صاحبي يغدرني ويطلع شماتا
كون غير جا عندي قالي عجباتني صاحبتك ولا لمح ليا نفوتها ونخليها ليها عشيري فوق كل شيئ لكن هو باغي يلعبها مورا ضهري ماشي رجلة هادي
قاعد تانفكر حتى جا عندي برجليه
افين ابا انور
بديت تانشوف فيه كيفاش تايدوي معايا بحال الى ماكاين والو
وانا نقوليه ساط بيت نسولك وجاوبني بصراحة
قالي اشنو ؟
قلت ليه باغي نسولك على البرهوشة
هو يبان ليا تزعزع ولا تايضور فعينيه
قالي مالها
وانا نقوليه ماعمرك شفتيها مع شي واحد ؟
بدا تايفكر شحال هو يقولي لا اصاحبي
واخا هي زوينة وعندها شي عوينات طياحين لكن راها ديالك عمرني شفت شي حد معاها الدرية تاتموت عليك
قلت ليه باش عرفتيها تاتموت عليا ؟
قالي لا ماعرفت انا غير قلت المهم انا مشيت ابا انور عندي مايدار
وانا نقوليه شي خبار على هاجر
قالي بنت القحبة تانقوليها نتلاقاو تاتقولي باقا عيانا
قلت ليها مزيان
مشا هو وانا نصيفت ليها ميساج
قلت ليها هاجر بغيت نتلاقا بيك الى كان ممكن
هي تقولي جي عندي لدار ودير بحال الى باغي طمن على حالتي
قلت ليها نو بغيت نشوفك باغي نقوليك شي حاجا على داك السؤال لي سولتيني داك النهار
اش من سؤال اانور ؟
فاش سولتيني واش تاتعجبيني باغي نجاوبك
هي تقولي اوك فين نتلاقاو
قلت ليها نتلاقاو حدا الغابة تقدري تجي تال تما ؟
قالت لي وي نجي لتما ونفوتو على ودك
المهم 3:30 نشوفك تما
صافي تافقنا على الميعاد
وانا نقول مع راسي الى هو مابغاتش تجي ليه وانا بغات تجي عندي يعني مابقاتش حاملاه
لالالا يمكن هو اصلا ماقاليهاش والو غير بغا يسوسني بديك الهضرة
وانا نصوني ليها
قلت ليها واش ماشفتيش مهدي
هي تقولي راه قبيلة قالي نتلاقاو ليوما وقلت ليه مانقدرش عيانا علاش اش بغيتيه ؟
قلت ليها لا غير سولت عليه حيت مازال ماشفتو هاد النهار
هي تقولي خلينا من مهدي دابا ونشوفو راسنا
صافي قلت ليها تانتلاقاو ونهضرو
المهم وصلات وقت الغداء وانا نسد المحل ومشيت لدار تغديت دوشت بدلت حوايجي ومشيت نتكا شويا نتمزك ونوجد للمخطط الانتقامي
واش نزمل صاحبت مهدي ونتصاحب معاها ونحويها ونصيفت ليه تصاورها ؟
نتصاحب معاها نحويها ونخليه مشموت ؟
طاحو ليا افكار بزاف فدماغي ومازل مالقيت البلان لي يخليني نرتاح
والمشكل هاجر زوينة وعندها طرف صحيح
المهم وصلات 2:45 هي تصوني ليا البرهوشة
الو انور باغي نشوفك احبي ليوم مع 4:00
قلت ليها سمحي ليا مانقدرش ليوم عندي مايدار غير عدريني عافاك
قلت ليها نتلاقاو بليل حسن تانا باغي نشوفك
قالت ليا صافي ماشي مشكل
اوف الحمد لله كانت اتخرج ليا على المخطط ديالي
وصلات 3:15 هو يجيني الميساج من هاجر هاني خارجا ازوين ديالي نتلاقاو فبلاصتا
صافي خرجت سولاتني الواليدة واش ماخدامش العشية قلت ليها عندي مايدار
صافي مشيت عند هاجر تلاقينا لكن بنت القحبة تزعط فيها
جات طالقا شعرها ولابسا داكشي مزير على لحمها
شافتني فرحات
وصل تسالمنا بالبيزو وانا نقولها نحيدو من طريق اجي نمشيو لواحد البلصا فالداخل مستورة
هي تقولي شد ليا فيدي حيت رجلي باقا تاضرني
مشينا مشادين فليدين وديتها لواحد الكوان مخبي فقنت الغابة
وصلنا بلاصتنا جلسنا وبقيت تانشوف فعينيها
وانا نقوليها * هاجر تانبغيك *
-------------------------------------------------------------
الأجزاء الأخرى
الجزء الأول
الجزء الثاني
الجزء الثالث
الجزء الأخير
الأجزاء الأخرى
الجزء الأول
الجزء الثاني
الجزء الثالث
الجزء الأخير