#قصتي_مع_صاحبت_صاحبي
الجزء الاول
القصة بدات يمكن قبل سنة من الان
وغادي نحاول نختاصرها ليكوم قدر الإمكان
القصة بدات ملي قررنا انا والكليكة ديالي نديو نزهة * للعين السخونة * وهي بلاصة سياحية دايرا بحال مولاي عقوب فيها عين تاتخرج ماء سخون من باطن الارض ، المهم كنا تافقنا باش نخرجو يوم الاحد مع الصباح لانه المكان المقصود كان بعيد علينا ب 45 دقيقة الى مشينا على رجلينا
المهم وجدنا جميع الامور لي خاصانا باش نمشيو لكن نهار سبت فليل صونا ليا صاحبي مهدي
الو أنور هانيا اساط
وي خاي مهدي اش داكشي تما ؟
شوف اساط راه غدا ماغاديش نقدر نجي معاكوم الساطة تاعي مشات لسبيطار قبيلة وغدا خاصني نمشي نطل عليها
فكان جوابي الله يوفق الى شاط ليك الوقت لحق علينا
وصل الاحد وخرجت انا وجمال وسعيد وخو سعيد الصغير كنا 4 الناس ودوزنا نهار زوين
لكن مهدي مالحقش علينا يعني مابقاش عندو الوقت ماشي مشكل
المهم الاثنين الدراري كاملين كانو قاريين الا انا كنت خدام وكان عندي الاثنين راحة وقلت ندير الصواب ونمشي نطل على صاحبت مهدي
صونيت ليه شديت عندو الغرفة فاش كاينا هي ومشيت نتوكل على الله
وصلت لقدام السبيطار شريت شي دانونات وشي حليب وشي عواصر باش ماندخلش بيدي خاويا
المهم وصلت لغرفة فين كاينا هي ، دخلت تانلقا عندها الواليدة تاعها وواحد صاحبتها زوينة لكن المشكل انه هي تانعرفها فوجها وماعمري دويت معاها
هادا هو اول يوم غادي نهضرو مباشرة
دخلت عليها سلمت على الواليدة تاعها عليها على صاحبتها وقلت ليها الله يجيب الشفاء اختي هاجر
هي كانت عليها الضحكة فوجهها حيت عمري دويت معاها وباين فيا مازاعمش ندوي المهم حطيت داكشي لي جبت وقلت ليها انا مشيت هي تقولي جلس نتا عاد دخلتي وباغي تمشي
انا تانشوف بلي ماتانعرف تاواحد تما ماعندي معامن نهضر ماعارف اش نقول موصيبا صافي
هي تقوليها الواليدة تاعها واش تايقرا معاك هاد الدري
هي تقوليها لا راه تانعرفو ساكن حدا عمتي زهرة
صافي بقينا مجمعين وقالت ليا بلي كانت تاتسيق وزلقات فالدروج وتهرسات فرجليها وبلي يدها ماتاتقدش تحركها تاهيا مقصحا فيها
صافي بقينا مجمعين شي ساعة تاع الوقت وانا نقوليها انا مشيت هي تشدني الواليدة تاعها قالت ليا تانا راه غادا دابا صبر نمشو مجموعين
وداكشي لي كان بقينا يمكن 10 دقائق وحنى نخرجو وانا نبدا نقلب كيفاش نضور بصاحبتها لكن بنت الحرام سادا عليا الباب والوقت كامل وهي تاتصيفت فالميساجات يمكن تادوي مع صاحبها
ماعليناش وصلت لدرب صونيت لعشران تلاقينا
وانا نسول مهدي على صاحبت هاجر قالي راه مصاحبا
تبا ماصدقاتش
المهم بقيت ديما وقتما عندي شي وقت خاوي تانمشي نطل على هاجر فالسبيطار وتاتسولني على مهدي علاش ماتايجيش تانقوليها راك عارفا الدراسة اما راه ديما تايسول عليك وتيدوي غير عليك وراه توحشك مسكين
واخا التامل مشا تصاحب مع وحدة اخرى قاليا ماحد هاديك فالسبيطار خاصنا الحلوة واش نبقا انا نكفت هههههههههههههه
المهم انا حاولت مانخسرش ليه الضواسا ونشكرو قدامها
المهم شي 4 المرات مشيت عندها للسبيطار
المرة الرابعة هي تقولي ممكن تعطيني نمرتك باش نبقاو نهضرو وعود تعلمني قبل ماتجي
عطيتها نمرتي وصافي مشيت لدار وبقينا الميساجات بيناتنا وكانو ميساجات عادية فالايام الاولى بحال 2 أصدقاء تايهضرو
وصلات المرة الخامسة لي انمشي عندها لسبيطار صيفت ليها ميساج * هاني جاي عندك إن شاء الله *
قالت لي تانتسناك راه توحشتك
بديت تانضحك مادرت فبالي انا والو
وصلت عندها لقيت ماكاين تاحد كاينا بوحدها
لانه فالمرات لي فاتو كنت مرة تانلقا صاحبتها مرة تانلقا مها كل مرة تانلقا شي حد عندها
هاد المرة كنا بجوج
المهم كيف العادة جاي ويدي عامرة حطيت داكشي لي جبت حداها
هي تقولي من نهار وليتي تاتجيب ليا هاد دانون ولا تايعجبني
وبدينا تانضحكو قلت ليها شربيه دابا نيت الى كان تايعجبك
هي تقولي راه يدي ماتانقدش نحركها اصاحبي خاصني شي حد يوكلني والواليدة تعطلات ليوم
بغيت نقوليها نوكلك لكن حسيت براسي انتعنب وانا نسكت
هي تقولي وافهم اصاحبي راسك
قلت ليها اشنو ؟
قالت ليا وكلني نتا
-------------------------------------------------------------
الأجزاء الأخرى