#قصتي_مع_عشيرتي
الجزء التاني
المهم وصلنا لبلاصتنا لي غادي نجلسو فيها وبدينا تانحطو حوايجنا باش نوجدو الفطور تاعنا
المهم انا وصاحب دنيا مشينا تانجمعو فالحطب باش نشعلو العافية لي انطيبو بيها الفطور والغذاء
المهم جمعنا شويا وانا نقوليه انا انديه لبنات باش يوجدو بعدا الفطور بما نجمعو حنى الحطب لي ايخصنا لغذاء قالي سير على الله انا انبقا نجمع
المهم مشيت عطيتهوم الحطب وشعلت ليهوم العافية هي تقولي دنيا واخا نمشي معاك
قلت ليها وشكون ايبقا مع لمياء حنى راه تانجمعو غير قراب ليكوم ودايرين عينينا معاكوم اما الى كنتي معانا انساو لمياء هنا انبقاو غير نضحكو
قالت لي اه صافي ماتعطلوش وبان ليا بلي تقلقات
المهم انا مشيت تانجمع فالحطب وتانجمع وتانفكر مال دنيا ليوم ؟جاتني مبدلة وعندها شي حاجا مخبياها
ياك ماتكون تخاصمات مع صاحبها وباغا تقولها ليا
لكن الى كان هاكاك ماغاديش يجي معانا هو حيت ماغاداش تخليه هي واخا هاكاك شخصيتها قوية والى بغات طمر على بنادم عندها ساهل
وانا نمشي عند صاحبها
قلت ليه مال دنيا ؟
قالي مالها ؟
واش انا اصاحبي انا سولتك نتا مجاوبني بسؤال راه تاتبان لي ليوم مبدلا واش مخاصمين ؟
قالي لا يمكن غير مازال مافطرات داكشي لاش معنكشا وبقينا تانضحكو
صافي جمعنا الحطب مشينا فطرنا
وملي فطرنا ولات تابان لي دنيا عاديا وبديت تانضحك بوحدي قلت والله ماكذب هاد المسخوط البنت بيها غير الجوع
صافي مشيت انا ولمياء جنب واحد الواد كاين تما باش نغسلو الخضرة ونقيوها ودنيا وصاحبها يشعلو العافية ويوجدو الطجين
صافي انا وصلت للواد بقيت جالس وخليت لمياء تنقي داكشي وتانقول خاصني نرجعها باش نخليها مع دنيا وصاحبها ونمشي نتكيف راه مازال الراس فيه الشقيقة
هي تقولي لمياء
أنور مال دنيا ليوم ماعجباتنيش ؟
قلت ليها كيفاش ؟
هي تقولي واقيلا مريضة ولا عندها شي مشكل شفتها ليوم ساهيا وباينا فيها باغا تعاود ليك اصاحبي ملي نتغداو جرها هضر معاها يمكن مازعماتش تعاود ليك قدام صاحبها والمشكل ملي سولتها تانا قالت ليا ماكين والو واقيلا باباها تخاصم مع ماماها عاوتاني المهم هضر معاها
قلت ليها صافي إن شاء الله
صافي رجعنا لقيناهوم مجمعين بيناتهوم ووجدو العافية
حطينا ليهوم الخضرة وانا نقول لمياء عاونيهوم باش نزربو على الغداء وغمزتها
صافي بقات تاضحك وهي تجلس معاهوم
انا من هادشي كولو باغي غير نسرسبها باش نمشي نتكيف فراحتي
حيت هي ديما تاتبدا عليا بداك الحديث تاع جداتي
راه البلية مانافعاك فوالو قطع عليك داكشي بلابلابلابلا
المهم مشيت هزيت الساكادو ديالي وقلت ليهوم انا انطلع شويا لفوق الجبل ننعس راه سهرت لبارح قالو ليا خود راحتك
طلعت يلاه برمت الجوان الاول وبديت تانكمي فيه هي توقف عليا دنيا
قلت ليها مالك ؟ اش تاديري هنا ؟
قالت ليا انور خاصني ندوي معاك وربي كبير
قلت ليها صبري حتى نتغداو ونهبطو للواد مجموعين ونهضرو انا وياك ونخلو لمياء و انس جنب الواد
قالت ليا راهوم دابا ملاهيين مع الطاجين خلينا نهضرو دابا وطفي داك العجب
قلت ليها وصافي اصاحبتي سيري هبطي تال من بعد ونهضرو والله مازال هاد النهار ماتكيفت وقوليهوم مايطفيوش العافية الى طاب الغذاء راه بيتها باغي نقلي شي بيضات
هي تجي تجلس حدايا وتكات على رجلي
قلت ليها نوضي اهاد القردة دابا طيح عليك الطفية تاع الجوان
قالت ليا عافاك طفيه وخلينا نجمعو راه كثر من سيمانا مابقينا جلسنا بجوج اصاحبي توحشتك
طفيت الجوان وانا نعس قلت ليها واخا الالا انا ندير ليك خاطرك
هي تنوض وجات نعسات فوق يدي بالجنب وبدات تاتشوف فيا
قلت ليها والله تاهاد نهار خلعتيني بهاد الشوفات ادنيا
واش عندك شي مشكل فالدار ولا كيفاش؟
هي تقولي الا اصاحبي علاه الى كانت شي حاجا انعطلها عليك
لكن هاد المرة والله انا براسي مانعرف مالي
بغيت غير نكون معاك شويا تاع الوقت
وانا نقوليها ايوا انا معاك ديما
هي تقاد فالنعسة وبدات تاتشوف فالسماء وقالت ليا حرت اانور والله تاحرت
قلت ليها مالك ؟
هي طلع فوقي وبدات تاتشوف فعيني
قالت ليا شوف فعيني وقوليا اش تايبان ليك ؟
وانا نقوليها تايبان لي دابا يجي انس ولمياء لهنا ويقولو اش تايديرو هادو هنا
هي تنوض قالت لي واخا انا مشيت لكن خاصنا نهضرو
المهم هي هبطات انا شعلت الجوان وبديت ساهي
-----------------------------------
جميع الأجزاء
الجزء 1
الجزء التاني
المهم وصلنا لبلاصتنا لي غادي نجلسو فيها وبدينا تانحطو حوايجنا باش نوجدو الفطور تاعنا
المهم انا وصاحب دنيا مشينا تانجمعو فالحطب باش نشعلو العافية لي انطيبو بيها الفطور والغذاء
المهم جمعنا شويا وانا نقوليه انا انديه لبنات باش يوجدو بعدا الفطور بما نجمعو حنى الحطب لي ايخصنا لغذاء قالي سير على الله انا انبقا نجمع
المهم مشيت عطيتهوم الحطب وشعلت ليهوم العافية هي تقولي دنيا واخا نمشي معاك
قلت ليها وشكون ايبقا مع لمياء حنى راه تانجمعو غير قراب ليكوم ودايرين عينينا معاكوم اما الى كنتي معانا انساو لمياء هنا انبقاو غير نضحكو
قالت لي اه صافي ماتعطلوش وبان ليا بلي تقلقات
المهم انا مشيت تانجمع فالحطب وتانجمع وتانفكر مال دنيا ليوم ؟جاتني مبدلة وعندها شي حاجا مخبياها
ياك ماتكون تخاصمات مع صاحبها وباغا تقولها ليا
لكن الى كان هاكاك ماغاديش يجي معانا هو حيت ماغاداش تخليه هي واخا هاكاك شخصيتها قوية والى بغات طمر على بنادم عندها ساهل
وانا نمشي عند صاحبها
قلت ليه مال دنيا ؟
قالي مالها ؟
واش انا اصاحبي انا سولتك نتا مجاوبني بسؤال راه تاتبان لي ليوم مبدلا واش مخاصمين ؟
قالي لا يمكن غير مازال مافطرات داكشي لاش معنكشا وبقينا تانضحكو
صافي جمعنا الحطب مشينا فطرنا
وملي فطرنا ولات تابان لي دنيا عاديا وبديت تانضحك بوحدي قلت والله ماكذب هاد المسخوط البنت بيها غير الجوع
صافي مشيت انا ولمياء جنب واحد الواد كاين تما باش نغسلو الخضرة ونقيوها ودنيا وصاحبها يشعلو العافية ويوجدو الطجين
صافي انا وصلت للواد بقيت جالس وخليت لمياء تنقي داكشي وتانقول خاصني نرجعها باش نخليها مع دنيا وصاحبها ونمشي نتكيف راه مازال الراس فيه الشقيقة
هي تقولي لمياء
أنور مال دنيا ليوم ماعجباتنيش ؟
قلت ليها كيفاش ؟
هي تقولي واقيلا مريضة ولا عندها شي مشكل شفتها ليوم ساهيا وباينا فيها باغا تعاود ليك اصاحبي ملي نتغداو جرها هضر معاها يمكن مازعماتش تعاود ليك قدام صاحبها والمشكل ملي سولتها تانا قالت ليا ماكين والو واقيلا باباها تخاصم مع ماماها عاوتاني المهم هضر معاها
قلت ليها صافي إن شاء الله
صافي رجعنا لقيناهوم مجمعين بيناتهوم ووجدو العافية
حطينا ليهوم الخضرة وانا نقول لمياء عاونيهوم باش نزربو على الغداء وغمزتها
صافي بقات تاضحك وهي تجلس معاهوم
انا من هادشي كولو باغي غير نسرسبها باش نمشي نتكيف فراحتي
حيت هي ديما تاتبدا عليا بداك الحديث تاع جداتي
راه البلية مانافعاك فوالو قطع عليك داكشي بلابلابلابلا
المهم مشيت هزيت الساكادو ديالي وقلت ليهوم انا انطلع شويا لفوق الجبل ننعس راه سهرت لبارح قالو ليا خود راحتك
طلعت يلاه برمت الجوان الاول وبديت تانكمي فيه هي توقف عليا دنيا
قلت ليها مالك ؟ اش تاديري هنا ؟
قالت ليا انور خاصني ندوي معاك وربي كبير
قلت ليها صبري حتى نتغداو ونهبطو للواد مجموعين ونهضرو انا وياك ونخلو لمياء و انس جنب الواد
قالت ليا راهوم دابا ملاهيين مع الطاجين خلينا نهضرو دابا وطفي داك العجب
قلت ليها وصافي اصاحبتي سيري هبطي تال من بعد ونهضرو والله مازال هاد النهار ماتكيفت وقوليهوم مايطفيوش العافية الى طاب الغذاء راه بيتها باغي نقلي شي بيضات
هي تجي تجلس حدايا وتكات على رجلي
قلت ليها نوضي اهاد القردة دابا طيح عليك الطفية تاع الجوان
قالت ليا عافاك طفيه وخلينا نجمعو راه كثر من سيمانا مابقينا جلسنا بجوج اصاحبي توحشتك
طفيت الجوان وانا نعس قلت ليها واخا الالا انا ندير ليك خاطرك
هي تنوض وجات نعسات فوق يدي بالجنب وبدات تاتشوف فيا
قلت ليها والله تاهاد نهار خلعتيني بهاد الشوفات ادنيا
واش عندك شي مشكل فالدار ولا كيفاش؟
هي تقولي الا اصاحبي علاه الى كانت شي حاجا انعطلها عليك
لكن هاد المرة والله انا براسي مانعرف مالي
بغيت غير نكون معاك شويا تاع الوقت
وانا نقوليها ايوا انا معاك ديما
هي تقاد فالنعسة وبدات تاتشوف فالسماء وقالت ليا حرت اانور والله تاحرت
قلت ليها مالك ؟
هي طلع فوقي وبدات تاتشوف فعيني
قالت ليا شوف فعيني وقوليا اش تايبان ليك ؟
وانا نقوليها تايبان لي دابا يجي انس ولمياء لهنا ويقولو اش تايديرو هادو هنا
هي تنوض قالت لي واخا انا مشيت لكن خاصنا نهضرو
المهم هي هبطات انا شعلت الجوان وبديت ساهي
-----------------------------------
جميع الأجزاء
الجزء 1